www.magadlal.com

1. Тэмцээний баг бүрдэхэд нэг тамирчин дутжээ. Багийн ахлагч шинэ гишүүн элсүүлэхээр зарлатал 7 тамирчин хандав. Шинээр ямар тамирчин авсанаа тэмцээн болтол нууцлах хэрэгтэй байсан тул нэгдсэн шалгаруулалт явуулах боломжгүй байв. Иймд тэр тэдгээр тамирчин нэг бүртэй ганцаарчлан уулзаж бэлтгэл болон ур чадварыг нь шалгахаар болов. Түүнчлэн багийн шинэ гишүүнийхээ анхны сэтгэгдэл, урам зоригийг өргөх үүднээс багтаа элсүүлэх шийдвэрээ газар дээр нь гаргахаар шийджээ. Ийм учраас нэг уулзсан тамирчинтай ахиж уулзахгүй бас үлдсэн тамирчидтай ч уулзахгүй. Тэгвэл багийн ахлагчид ямар зөвлөгөө өгвөл үнэний хувьтай вэ?
   
   
   Хамгийн эхний тамирчинг сонгоорой.
   Гурав дахь тамирчинг сонгоорой.
   Дөрөв дэх тамирчинг сонгоорой.
   Хамгийн сүүлийн тамирчинг сонгоорой.


2. Илтгэгч тархалтын санамжгүй байдал гэсэн чанарыг амьдрах хугацаа гэсэн ойлголтын зүгээс тайлбарла.
   
   
   Хэчнээн насалсан нь цааш хэд наслахад нөлөөгүй.
   Мөхлийн эрчим нь насаас хамаарахгүй.
   Дээрх хоёр өгүүлбэр хоёулаа үнэн.
   Дээрх хоёр өгүүлбэр хоёулаа үнэн биш.


3. Аль нь үнэн бэ?
   
   
   Хэлбэрийн параметрийн сонголтоос хамаарч Вейбуллийн тархалтын мөхлийн эрчим өсөж, буурч эсвэл тогтмол байж чадна.
   Хэлбэрийн параметрийн тодорхой нэг утгын хувьд Вейбуллийн тархалт нь илтгэгч тархалттай давхацна.
   Дээрх хоёр дүгнэлт хоёулаа үнэн.
   Дээрх хоёр дүгнэлт хоёулаа үнэн биш.


4. Мөхлийн эрчим бол ...
   
   
   хугацааны тодорхой нэг эгшин хүртэл амьдрах нөхцөлд тэрхүү эгшиндээ үхэх буюу мөхөх эрчим юм.
   хугацааны тодорхой нэг эгшнээс өмнө үхэж мөхөх магадлал юм.
   хугацааны тодорхой нэг эгшинд үхэх боломж буюу мөхөх эрчим юм.
   Дээрх бүгд цөм буруу.


5. Тогтмол мөхлийн эрчим бүхий амьдрах хугацааны хэчнээн янзын тархалт байж болох вэ?
   
   
   Зөвхөн ганц.
   Хязгааргүй олон.
   Тасралтгүй болон дискрет тохиолдол тус бүрт нэг байна.
   Дээрх бүгд цөм буруу.


6. Тогтмол мөхлийн эрчимтэй амьдрах хугацааны тархалт аль нь вэ?
   
   
   Вейбуллийн тархалт
   Хэвийн тархалт
   Жигд тархалт
   Илтгэгч тархалт

Таны хариулах оролдлого бүрийг, зөв буруугаас үл хамааран бүртгэнэ.